रक्षाबंधन 2023 : यावर्षी 30 आणि 31 ऑगस्ट या दोन्ही दिवशी आहे रक्षाबंधन, जाणून घ्या राखी बांधण्याचा शुभ मुहूर्त

रक्षाबंधन 2023 तारीख : यावर्षी ऑगस्ट 2023 मध्ये, दोन दिवस रक्षाबंधन साजरे केले जाईल. यावर्षी रक्षा बंधन 30 आणि 31 ऑगस्ट 2023 रोजी साजरे केले जाणार आहे. दोन्ही दिवशी राखी बांधण्याचा शुभ मुहूर्त कोणता आहे हे जाणून घेऊया.

रक्षाबंधन 2023 कधी आहे ?

2023 मध्ये, रक्षा बंधन ऑगस्टमध्ये दोन दिवस साजरे केले जाईल. हा हिंदू धर्मात साजरा केला जाणारा रक्षा बंधन सण, भाऊ-बहिणीच्या प्रेमाचे आणि अतूट नात्याचे प्रतीक आहे. श्रावण पौर्णिमेला साजरा केला जाणारा रक्षाबंधन हा सण जिव्हाळ्याचा आणि आपुलकीच्या नात्याची वीण अजून घट्ट करण्याचा सण आहे.

बहिणी वर्षभर रक्षाबंधनाला भावाच्या मनगटावर राखी बांधण्यासाठी या सणाची वाट पाहत असतात. भावाच्या हातावर बहिणीने रक्षासूत्र बांधल्याने त्याला यशाची प्राप्ती होते, अशी पौराणिक मान्यता आहे. यावर्षी श्रावण पौर्णिमा दोन दिवस असल्यामुळे, रक्षाबंधन 30 आणि 31 ऑगस्ट 2023 रोजी साजरे केले जाणार आहे. दोन्ही दिवशी राखी बांधण्याचा शुभ मुहूर्त जाणून घेऊया.

रक्षाबंधन 2023 च्या खास गोष्टी

तारीख – या वर्षी श्रावण महिन्याची पौर्णिमा तिथी 30 ऑगस्ट 2023 रोजी सकाळी 10.58 वाजता सुरू होईल. 31 ऑगस्ट 2023 रोजी सकाळी 07.05 वाजता संपेल.

ओल्या नारळाची बर्फी : या नारळी पौर्णिमेला बनवा खमंग नारळाच्या वड्या, सोपी रेसिपी आत्ताच वाचा

रक्षाबंधनाची भाद्र वेळ – 30 ऑगस्ट 2023 रोजी भद्रा काल सकाळी 10.58 पासून सुरू होईल आणि रात्री 09.01 वाजता समाप्त होईल. यावेळी रक्षाबंधनाच्या दिवशी भद्राचा वास पृथ्वीवर असतो जो अशुभ मानला जातो.

भाद्रमध्ये राखी का बांधू नये ?

भारतीय हिंदू संस्कृतीत भाद्र कालावधी हा अशुभ काळ मानला जातो, या काळात कोणतेही शुभ कार्य करणे निषिद्ध मानले जाते. धर्मशास्त्रानुसार, जेव्हा जेव्हा सण-उत्सव किंवा उत्सवाच्या काळात, अशुभ ग्रहांशी संबंधित काळात निषिद्ध वेळ दिली जाते, तेव्हा त्या वेळेचा शुभ कार्यासाठी त्याग केला जातो. पौराणिक मान्यतेनुसार भद्राचा संबंध सूर्य आणि शनिशी आहे.

रक्षाबंधनाच्या दिवशी बहिणीने भावाला भाद्र काळ वगळून शुभ मुहूर्तावरच राखी बांधावी. यामुळे भावाला विजयाचा आशीर्वाद मिळतो, तसेच त्याची प्रगतीही होते. भद्रामध्ये राखी बांधणे अशुभ आहे असे मानले जाते. भद्रामध्ये केलेले शुभ कार्य सफल होत नाही, व्यक्तीचे नुकसान होते.

वाचा👉 नारळी पौर्णिमा संपूर्ण माहिती 

30 ऑगस्ट रोजी भाद्रची वेळ संध्याकाळी 05.30 ते 06.31 पर्यंत आहे. दुसरीकडे, 30 ऑगस्ट रोजी भाद्रमुखाची वेळ संध्याकाळी 06.31 ते रात्री 08.11 पर्यंत असेल.

रक्षाबंधनाचा शुभ योग कधी आहे ?

आयुष्यमान योग, बुधादित्य योग, वासी योग देखील रक्षाबंधनाच्या दिवशी असतील. आयुष्मान योग आपल्या नावाने भाऊ आणि बहिणींना दीर्घायुष्याचे वरदान देईल.

वाचा👉 रक्षाबंधन संपूर्ण माहिती मराठी

राखी किती वाजता बांधावी ?

श्रावण पौर्णिमा तिथी, 30 ऑगस्ट 2023 रोजी सकाळी 10:59 पासून सुरू होईल. भाद्र पौर्णिमा तिथीने सुरू होईल, जी रात्री 09:02 पर्यंत राहील. शास्त्रात भाद्र काळात सण साजरा करण्यास मनाई असल्यामुळे या दिवशी भाद्र शुक्लकाष्ठ 09:02 पर्यंत राहील. या वेळेनंतरच राखी बांधणे अधिक योग्य ठरेल. पौराणिक मान्यतेनुसार राखी बांधण्यासाठी दुपारची वेळ शुभ असते, परंतु जर दुपारी भाद्रकाळ असेल तर प्रदोषकाळात राखी बांधणे शुभ असते.

राखी बांधण्याची पद्धत

• या दिवशी बहिणीने पूजेच्या ताटात तुपाचा दिवा लावून प्रथम गणेश पूजन करावे.
• एक राखी श्री गणेशाला अर्पण करावी. यामुळे अशुभ प्रभाव संपतो.
• भावाला पूर्व किंवा उत्तरेकडे तोंड करून बसवावे.
• भावाच्या डोक्यावर रुमाल ठेवून त्याला तिलक लावावा. बहिणीने भावल ओवाळावे आणि भावाच्या उजव्या हाताला राखी बांधावी.
• मिठाई खाऊन भाऊ-बहीण दोघेही एकमेकांच्या प्रगतीसाठी प्रार्थना करावी .